原本用緊儲存資料的 320G 硬碟差唔多滿了,
見而家 D 硬碟咁鬼平,
好似死雞 640G 32M 都係 $625. 蚊
心動之下在日前購買了一個回來,
更換而家用緊的兩個硬碟
並分了三個主磁區做系統,
另外剩下的做了延伸磁區,
是一個 210G fat32
另一個 315G ntfs
全部系統及資料轉移到新硬碟後,
由於見原先的 ubuntu 冇得轉移,
所以今早心思思又想裝番個 Mac 玩下,
做好事前工功夫後開始安裝了...
到最後選擇好所需安裝的附件, 按安裝啦....
行開一二分鐘回來看都仲係之前那個畫面,
心諗..冇反應.. 唉! 死左機?
算啦! 唔鬼裝了, 設定番 Boot 番去 Vista 算啦!

入到 Vista 一睇, 發現不見了個 E: 硬碟 (315G ntfs)
於是用 spfdisk 入去睇下係乜情形啦!
原來是那個 315G 延伸磁區被刪除了,
而延伸總磁區的結尾被修改了在第一個延伸磁區結尾的位置,
於是這 315G 容量的位置變了無主孤魂了,
想再建立及修改都唔得....因為全部功能暗哂..
心諗 spfdisk 的特異功能而家可以用到了,
於是將延伸總容量的結尾改番去最大的那個位置,
跟住就將剩下的 315G 再建立番一個延伸磁區
儲存時不使用破壞性儲存後,
入番 Vista 見到有番個 E: 及資料全部不變後才放心,

唉!
以後再在實體硬碟安裝 Mac 時真係要搵個單獨的硬碟,
以及拔哂其他插著的硬碟才去安裝好些了

[ 本帖最後由 scau 於 2008-9-21 10:14 編輯 ]

好彩我裝MAC果時無遇到呢個問題o者....
唔係真係唔知點算...我用spfdisk又無scau兄你玩得咁出神入化...

例如我之前聽你提起過用呢個方法:

「於是將延伸總容量的結尾改番去最大的那個位置」

但實在不明白是甚麼意思...

咩係結尾改返去最大?

原來有個咁既功能,
可以保留返之前既文件。

本來我擷取左幾張圖片架,
但點鬼知隻手指原來打左 lock 掣,
咁變了儲存唔到入手指度囉,

假如隻硬碟有 10000 個 sector,
頭果三個主磁區用了由 0 ~ 2000,
咁跟住做的延伸總磁區咪由 2001 ~ 9999 囉
然後要建立的延伸磁區就在這個範圍建立了

假設:
第一個由 2001 ~ 6000  (210G fat32)
第二個由 6001 ~ 9999  (315G ntfs)

好了, 它將我第二個 6001 ~ 9999 的區刪除了,
本來理應剩下的是 6001 ~ 9999,
但又被修改原本是 2001 ~ 9999 為 2001 ~ 6000, (即縮細左個容量)
咁變了被刪除後剩下來的位置不在總磁區範圍內,
不能建立番, 但主磁區的最高 4 個的數目量又用哂了,
咁 6001 ~ 9999 咪變了兩邊都唔受囉, 冇定落腳了.
咁咪將佢由 2001 ~ 6000 改番為 2001 ~ 9999
跟住咪可以建立番第二個延伸區囉!

我咁解你會明嗎?

我都覺得你好幸運呀,
因為我知你冇備份的,
或者到時你會有一個更好的方法呢!



係呀! 呢個免費軟件真係幾好用架!

看了一遍又一遍...
用左半個鐘左右啦...總算明白個概念了(我理解能力係咪好差?),但如果呢個問題o係我部電腦出現的話,到時識唔識整又係另一回事了!

唔好意思!
唔係!
你的理解能力相當強!
在你回覆的文章中可以見到,
祗不過是我本身的表達能力有問題,
由於不能捉著到事件的重心
所以完全未能表達出意思,
這點我一路都知道的,
冇法子了, 人老了個腦就癈的了.

好! 今早睇到你的回覆後,
直頭再入番去 spfdisk 度,
然後模擬番當時被改的情況,
再擷取了圖片,
然後換過另一種方法表達,
我諗呢次應該會明白的了.



上面張圖係正常的情況,
上面那 4 欄就是 Primary Partition,
你都知最多祗可以建立 4 個的了,
而 4 的那欄是整個 Extended 容量及位置
而 5、6 的就是每一個的 Logic Partition 了,

而下圖是被修改了的情況了.

好了,
在 6 的 Logic Partition 被刪除後變了可供再分割的 ??? 了,
但 4 的 End Point 值又被修改成為 5 的 End Point 位置
咁樣修改後原先被刪除的 Partition 的位置,
變了是在整個可供使用的容量以外了,
雖然亦可再分割,
但 Primary Partition 的位置唔可以再加了(上限 4 個)
想分割為 Logic Partition 又唔得,
因為 4 的可供使用範圍未包括它在內,
冇得再建立新的 Logic Partition 了,
亦即是整個硬碟容量就少了那 315G 了.


[ 本帖最後由 scau 於 2008-9-22 10:35 編輯 ]

有圖睇就易明白得多了!謝謝!

剛才再試驗在 P5B 上安裝 Mac OSX, 打破了在網上的其中一個說明, 網上資料話安裝時不能啟用 JMicron SATA/PATA Controller, 但我今次刻意不停用它, 到最後還是可以安裝完畢, 祗是唯一的一樣是不能啟用的就是將 SATA Configuration 設為「Enhanced」模式了, 如果啟用了的話會在安裝時找不到 HDD 的, 咁樣然兄你都可以安裝到重啟這個階段了, 咁應該就未有啟用這模式了, 但始終唔明佢點解在安裝時會刪除我 HDD 的其中一個 Extnded 邏輯分割, 但佢又唔係要用到這些分割的, 今次又係咁樣被刪了, 又要手動修復番......

唔好話你唔明...我都唔明...其實我而家就已經想再裝多次...
但又怕失望多一次...
所以,都係等你幫幫手好了...你加上我的電腦知識...或者可以克服呢個問題吧!
(我o係網上揾過資料,原來啟動時,係可以唔睇果個白色轉轉下個logo畫面,可以睇字的!聞說係boot機時按F8然後用-v參數喎!)

我冇用到佢地的開機選單, 一路都係用 spfdisk 來做的.
其實試裝都冇所謂的, 不過就要做好預防措施了, 拔走目己主要用緊的一個 HDD 先, 以防好似我咁被擾亂.

下?我裝MAC o係硬碟B,會影響到我裝Vista果個硬碟A架?

又唔記得啦「唔怕一萬、至怕萬一」咩,  隨非你已經習慣了修復資料又或其資料不重要啦, 否則完全一些好 D.

而家再試下裝多次...
但去到分割硬碟果度,MAC認到我兩隻HD,但我無論選乜野選項...全部灰晒o既?

正常的, 所以要選中要安裝那個然後按清除....完成後才會高亮顯示的, 你真係不拔走主要果個先呀?

我應該選乜野File System? (唔記得左!)

哈哈! 你都未有將你部機有的資料話我知, 點選呢???

我可能遇到你個問題了,我有40GB 硬碟空間係未分割的...我頭先o係MAC個安裝介面度想用分割功能用左呢40GB
點知分割唔到...唔記得話乜野Error...我諗住入Vista將果40GB HD整一個ntfs空間出來...再o係MAC度用呢個空間...
咪reboot囉,點知入到Vista去磁碟管理一睇,我成隻HD 149GB吉晒!顯示未配置...
(好彩入到Vista)
連Grub都無埋...

我o係個MAC個安裝度都無做過o的乜野,我只係將未使用的40GB空間分割之嘛!
攪到我連個Linux都無埋!

(係咪你所遇到的問題?)

[ 本帖最後由 i553041 於 2008-10-30 22:51 編輯 ]