本人測試過,nod32 v2.5至v3.0..初時都算幾ok..到最後都係頂唔到。
再轉換卡巴士...但次次都同軟件相撞/有d木馬影響防唔到。
到再轉換bitxxx個個軟件...情況同nod32..差不到...

以上呢幾隻都排名世界5大之首...

到最近用左國產貨...金山毒霸...發覺非常唔錯...內有掃木馬專殺,病毒,及內置個人防火牆...真係好掂

將以往防唔到隔唔到d病毒木馬,廣告病毒都一一隔除。


大家認為你地心目中邊隻防毒最top。

我個人就覺得卡巴基斯!
不過一時時好麻煩!

avast! v4.7

我用緊ｎｏｄ３２

但系佢咩都話有野－　－

等我試用下金山毒霸

金山毒霸..........

邊隻好用,邊隻最TOP呢o的答案真係睇個人架喎!好難去比較!
防毒軟體殺多一隻毒,殺少一隻毒,真係咁重要?

我一向都只係安裝一隻防毒,一個軟體防火牆,再加一隻反間諜軟體而已!

近呢10年,我部電腦從未中過一隻毒...(10年前,98年左右,係中過一次netbus,跟住無了!)

好睇用電腦果個人是否注重系統安全,如果用電腦果個唔注意系統安全,就算裝10隻防毒,10隻防火牆,10隻反間諜軟體,都唔見得話特別安全!

防毒軟體我認為係用黎預防萬一,並唔係作出事後補救的!

只要用電腦果個對系統安全有警覺性:
別下載/打開來歷不明的檔案及電郵附件,有懷疑的話,寧願唔去打開,或者o係網上搵清楚資料,確定無問題先開!ICQ,MSN之類的即時通訊軟體,朋友如果突然
間發o的檔案過黎,都要小心處理,別第一時間就開,要找清楚資料看看是否病毒!溜覽網頁時,停用不安全的ActiveX,避免不小心安裝了惡意插件,經常o係WindowsUpdate
更新Windows及IE的保安漏洞,安裝軟體時,先搵搵果隻軟體係咪安全,肯定無問題先裝,(例如winfixer,3721 (網絡實名)),就咁睇個名可能會以為係正當的軟體,如果真係咁諗,
唔搵清楚資料就去裝,咁就中招了,因為有好多惡意軟體,流氓軟體,個名都係「四四正正」,會比人一個正當軟體的錯覺,係安裝左之後,中左招,先會知道錯!另外盡可能將軟體更
新為新版本,如果軟體有保安漏洞,經常保持軟體為新版本的話,就可以消除舊版本的保安漏洞了!得閒無事就去「香港電腦保安事故協調中心」,看看最新的電腦保安資訊,知己知彼
一下,(如果因為用翻版而更新唔到WindowsUpdate,「香港電腦保安事故協調中心」都有提供更新的連結供電腦用戶下載的,可以作「手動」更新!)再得閒無事,就用netstat -nao,
看看有沒有一些可疑IP連接自己部電腦!每個月,都用Process Explorer看看Windows背景運行的程序有沒有可疑的程式...

用電腦用得咁安全的話,基本上想中一隻電腦病毒真係難過登天...(除非係自己特登走去中毒咁無得講!)

總之,我認為:
防毒軟體係用黎預防萬一,並唔係作出事後補救,只要配合軟體防火牆,反間諜軟體,加上電腦使用者對系統保安有警覺性的話!基本上可以話百毒不侵!

可唔可以講下你點搭??

一隻防毒,一個軟體防火牆,再加一隻反間諜軟體而已!

邊隻防毒??邊隻軟體防火牆??邊隻反間諜軟體??

我選防毒唔係睇佢殺多一隻毒,殺少一隻毒...對我黎講,呢o的係無意思!
我係搵防毒唔會拉慢我部機,要穩定,唔食系統資源,功能強大...(當然最好係免費!)
試過好多隻防毒,最後我發覺Avast Home完全符合到我o既要求,我已經用左好幾年了:
http://www.avast.com/cns/free_virus_protectio.html

防火牆我亦試過好多隻,一樣,想搵o的唔食系統資源,唔會拉慢部機,穩定而且功能強大又免費的:
最後試到Comodo Personal Firewall:
http://personalfirewall.comodo.com/

反間諜軟體,當然係同上述一樣啦,我選用的是SpyBot S&D:
http://www.safer-networking.org/ct/index.html

(最近轉左Vista,Vista已經「內置」了反間諜軟體的功能,所以o係Vista度,我都無用SpyBot S&D了!)

[ 本帖最後由 i553041 於 2008-2-14 08:01 編輯 ]

你隻防毒我未試過

你個隻防火牆同反間碟我都試過,都幾十卜下，不過有少少麻煩。

但金山毒霸,一個軟件3樣野有齊波。

一向也用開 kaspersky ~ 覺得都ok

尋晚睇左無線套節目...(一時間醒唔起叫咩名)...講網絡火星文
其中...十卜,都好似係火星文o既一種...無線亦都有講過係代表咩...
不過我睇完就算...唔記得左!

用咩防毒軟體/防火牆/反間諜軟體,關係都唔大...

你亦唔係一定要用我果3隻保安軟體!

其實我只係想帶出...唔好以為有軟體防火牆/防毒軟體/反間諜軟體就以為自己部機一定會
百毒不侵,大安旨意,以為一定唔會出事而掉以輕心!就算防毒幾強都好,系統保安意識不足,
亦一樣有機會中招的,你同意嗎?

最重要係個人的電腦保安意識夠強,再加上防毒軟體/軟體防火牆/反間諜軟體相輔相成...
先能真正做到「百毒不侵」!

就算我用其他保安軟體都好,我部電腦亦都一定唔會中毒的!(因為我一向都注重系統安全!)

火星文睇死人

火星文

Running the OS in Ram is one of the method to avoid infection of virus, once it occurs, just reboot the computer and all viruses will be destroyed.

下?有咩作業系統可以o係RAM度行?真係要見識一下...

比你o係RAM度裝到一個作業系統,reboot後個OS都重會o係返度?

哈哈! 以前的 APPLE II 咪可以係 RAM 度行囉, 4M onboard!

avast!

avira antivir 德國小紅傘

You may visit http://www.disklessangel.com for details of running the OS in Ram.

原來係靠軟體先做得到,我重以為可以直接將OS裝o係RAM度添!